పీసీలో మాదిరిగానే అన్ని హంగులతో మొబైల్‌ బ్రౌజర్‌ని వాడుకునేలా సరికొత్త వెర్షన్‌తో మరోటి ముందుకొచ్చింది. అదే UC Browser. ఆండ్రాయిడ్‌, ఐఫోన్‌, సింబియాన్‌, బ్లాక్‌బెర్రీ, విండోస్‌ ఫోన్‌, జావా బేస్డ్‌ ఓఎస్‌ యూజర్లు బ్రౌజర్‌ని వాడుకోవచ్చు. ట్యాబ్లెట్స్‌కి అనువుగా ప్రత్యేక సిస్టంని ఏర్పాటు చేశారు. దీంట్లోని సౌకర్యాల విషయానికొస్తే... బ్రౌజర్‌లో ఏదైనా కొత్త పేజీలో ఓపెన్‌ చేయాలంటే? ట్యాబ్‌ విండో తీసుకుని ఒకదాని తర్వాత ఒకటి సెలెక్ట్‌ చేసుకుని చూస్తాం. కానీ, దీంట్లో Auto Pager ద్వారా బ్రౌజర్‌లో ఓపెన్‌ చేసి ట్యాబ్‌లను స్క్రోల్‌ చేస్తూ ఒకదాని తర్వాత మరోటి చూడొచ్చు.
* వాడుతున్న నెట్‌వర్క్‌ కనెక్షన్‌ ఆధారంగా బ్రౌజర్‌ మోడ్‌ని మార్చుకునే వీలుంది. దీంతో వెబ్‌ పేజీలు వేగంగా ఓపెన్‌ అవుతాయి.
* బ్రౌజర్‌లో పెట్టుకున్న బుక్‌మార్క్‌లను క్లౌడ్‌ స్టోర్‌లోకి సింక్రనైజ్‌ చేసుకునే వీలుంది.
* 'డౌన్‌లోడ్‌ మేనేజర్‌' ద్వారా నెట్‌ నుంచి చేస్తున్న డౌన్‌లోడ్స్‌ని సులువుగా మేనేజ్‌ చేయవచ్చు. ఫైల్‌ ఎక్కడ డౌన్‌లోడ్‌ అవుతున్నదీ సులభంగా తెలుసుకోవచ్చు. డౌన్‌లోడ్‌ ప్రాసెస్‌లో ఉన్నవాటిని, బ్రోకెన్‌ డౌన్‌లోడ్స్‌ని గుర్తించడం చాలా వీజీ. నెట్‌వర్క్‌ సమస్య వల్ల డౌన్‌లోడ్స్‌ ఫెయిల్‌ అయ్యినప్పుడు తిరిగి అదే లింక్‌కి ఆటోమాటిక్‌గా కనెక్ట్‌ అయ్యి ఫైల్‌ని డౌన్‌లోడ్‌ చేస్తుంది.
* వై-ఫై కనెక్షన్‌ అందుబాటులో ఉన్నప్పుడు నోటిఫికేషన్‌ ద్వారా తెలియజేస్తుంది.
* నెట్‌వర్క్‌లో ఏదైనా సమస్య వస్తే నోటిఫికేషన్‌ ద్వారా తెలుసుకోవచ్చు.
* బ్రౌజర్‌ని క్లోజ్‌ చేసినప్పటికీ ఎలాంటి ఆటంకం లేకుండా బ్యాక్‌గ్రౌండ్‌లో డౌన్‌లోడ్‌ ప్రాసెస్‌ జరుగుతూనే ఉంటుంది.
* బ్రౌజర్‌లో సందర్శించిన ఏ వెబ్‌సైట్‌కి అయినా QR Codeజనరేట్‌ చేసుకుని సులభంగా షేర్‌ చేయవచ్చు.
* అన్నిసార్లు సైట్‌ యూఆర్‌ఎల్‌ని టైప్‌ చేయకుండా Add Gesture ద్వారా ఏదైనా ఆకారాన్ని గీయవచ్చు. ఇక ఎప్పుడైనా ఆ సైట్‌ని చూడాలంటే ఆకారాన్ని తెరపై గీసి సైట్‌లోకి వెళ్లొచ్చు.
* థీమ్స్‌తో బ్రౌజర్‌ని ఆకట్టుకునేలా మార్చుకునే వీలుంది.
* రాత్రి సమయంలో బ్రౌజ్‌ చేయాల్సివస్తే 'నైట్‌ మోడ్‌'ని సెలెక్ట్‌ చేసుకుని కళ్లకి ఎక్కువ ఒత్తిడి లేకుండా జాగ్రత్త పడొచ్చు.
* ప్రత్యేక యాడ్‌ఆన్స్‌ ద్వారా అదనపు సౌకర్యాల్ని బ్రౌజర్‌కి జత చేయవచ్చు. అందుకు తగిన 'యాడ్‌ఆన్‌ ప్లాట్‌ఫాం' ఉంది.
* హిస్టరీ సేవ్‌ అవ్వకుండా ఏదైనా వ్యక్తిగత బ్రౌజింగ్‌ చేయాలనుకంటే Incognito Browsing మోడ్‌ని ఎంపిక చేసుకోవచ్చు. డౌన్‌లోడ్‌, ఇతర వివరాలకుwww.ucweb.comలోకి వెళ్లిండి.
0 comments:
Post a Comment