బుల్లి 'ఆప్స్‌'..

పీసీలు, ల్యాపీలకు సవాల్‌ విసురుతూ ఆప్స్‌ రూపంలో అనేక అప్లికేషన్లు మొబైల్‌ యూజర్లను ఆకట్టుకున్నాయి. ఆయా ఫ్లాట్‌ఫాంలకు సరిపడే ఆప్స్‌ని మార్కెట్‌ల నుంచి యూజర్లు డౌన్‌లోడ్‌ చేసుకుని వాడేస్తున్నారు. ఈ నేపథ్యంలో 2012లో ఆకట్టుకున్న కొన్ని...
క్షణాల్లోనే...
Google Now. విషయం ఏదైనా క్షణాల్లో వివరాల్ని తెలుసుకునేందుకు ఇదో వారధి. ఆండ్రాయిడ్‌ యూజర్లు గూగుల్‌ ప్లే నుంచి ఉచితంగా డౌన్‌లోడ్‌ చేసుకోవచ్చు. 'వాయిస్‌ సెర్చ్‌'తో మాట్లాడితే చాలు. డేటా సేకరించి ముందుంచుతుంది. http://goo.gl/70jtf

ఫొటోలకు ప్రత్యేకం
Camera Awesome. కెమెరా కంటికి అదనపు హంగులు అద్దుతుంది. వివిధ రకాల ఎఫెక్ట్‌లతో ఫొటోలను తీయడమే కాకుండా ఎడిటింగ్‌ కూడా చేయవచ్చు.http://goo.gl/rwhKS

వీడియో పాఠాలు
Khan Academy. విద్యార్థులకు సంబంధించిన ఎడ్యుకేషన్‌ వీడియోలతో ముందుకొచ్చింది. యూట్యూబ్‌ని వేదికగా చేసుకుని గణితం, భౌతికశాస్త్రం, రసాయనశాస్త్రం... వీడియోలను చూడొచ్చు. http://goo.gl/1dfqV

మ్యూజిక్‌ మ్యాజిక్‌
Songza. ఈ మ్యూజిక్‌ ఆప్‌ను ఐట్యూన్స్‌ నుంచి ఉచితంగా డౌన్‌లోడ్‌ చేసుకోవచ్చు. ఎలాంటి వాణిజ్య ప్రకటనలు లేకుండా ప్రత్యేక ప్లేయర్‌లో మ్యూజిక్‌ ఆల్బమ్స్‌ని బ్రౌజ్‌ చేసి వినొచ్చు. నిద్రకు ముందు ఆహ్లాదకరమైన ట్యూన్స్‌ని వినేందుకుBedtime సెలెక్ట్‌ చేస్తే సరి. http://goo.gl/eQWK5

అడ్రస్‌బుక్‌
Youlu Address Book. కుటుంబ సభ్యులు, స్నేహితులు... ఇలా అందరి ఫోన్‌ నెంబర్లు, అడ్రస్‌లను మొబైల్‌లో మేనేజ్‌ చేసుకునేందుకు ఇదో సులువైన వారధి. ఒక్కమాటలో చెప్పాలంటే ఇదో 'కాంటాక్ట్‌ మేనేజ్‌మెంట్‌ టూల్‌'. http://goo.gl/c9l5a

పెద్ద లైబ్రరీ
Wattpad. ఇదో పుస్తక ప్రియుల అడ్డా. ప్రపంచ వ్యాప్తంగా అందుబాటులో ఉన్న మిలియన్ల పుస్తకాల్ని బ్రౌజ్‌ చేసి చదవొచ్చు. సుమారు 10 మిలియన్ల పుస్తకాలు ఉచితంగా అందుబాటులో ఉన్నాయి. ఆండ్రాయిడ్‌ యూజర్లు గూగుల్‌ ప్లే నుంచి పొందొచ్చు. http://goo.gl/Kl6MH
* ఐఫోన్‌ యూజర్లు ఐట్యూన్స్‌లోకి వెళ్లండి.http://goo.gl/TWNg6

అన్నీ ఒకేచోట
Flipboard. వార్తాంశాల్ని, సోషల్‌ నెట్‌వర్క్‌ అప్‌డేట్స్‌ని ఒకేచోట అందిస్తోంది. 'న్యూస్‌ మ్యాగజైన్‌'గా దీన్ని పిలుస్తున్నారు. ఫోనుల్లో మాత్రమే కాకుండా ట్యాబ్‌ల్లో కూడా ఆప్‌ని వాడుకోవచ్చు. సెర్చ్‌ ద్వారా కావాల్సిన వాటిని వెతికే వీలుంది.http://goo.gl/GjO7x
* ఐఫోన్‌ యూజర్లు ఐట్యూన్స్‌ నుంచి పొందొచ్చు.http://goo.gl/Hp70z

బ్లాక్‌ చేస్తుంది
Call Blocker. అక్కర్లేని కాల్స్‌ని బ్లాక్‌ చేస్తుంది. నోకియా యూజర్లు ఒవీ స్టోర్‌ నుంచి ఉచితంగా పొందొచ్చు.http://goo.gl/7YWBP
* ఆండ్రాయిడ్‌ యూజర్లు గూగుల్‌ ప్లే నుంచి పొందొచ్చు. http://goo.gl/E5zwr

రక్షణ వలయం
BlackBerry Protect. ఫోన్‌లో భద్రం చేసిన డేటా సురక్షితం చేస్తుంది. ఆప్‌ని ఇన్‌స్టాల్‌ చేసి సైట్‌లో సభ్యులవ్వడం ద్వారా మొబైల్‌ పొగొట్టుకున్నప్పుడు ఫోన్‌ని పని చేయకుండా తాళం వేయవచ్చు. లేదంటే డేటా మొత్తాన్ని డిలీట్‌ చేయవచ్చు. http://goo.gl/n9eYQ

మరింత ఆకట్టుకునేలా...
Photo Studio. బ్లాక్‌బెర్రీలో తీసుకున్న ఫొటోలను ఎడిట్‌ చేసేందుకు ఇదో ప్రత్యేక ఫొటో ఎడిటింగ్‌ సూట్‌. ఆప్‌ నుంచే ఎడిట్‌ చేసిన ఫొటోలను షేర్‌ చేయవచ్చు. http://goo.gl/FRFmB
* నోకియా యూజర్లు ఒవీ స్టోర్‌ నుంచి పొందొచ్చు.http://goo.gl/HlGys

తాకితే చాలు
History Eraser. మొబైల్‌లో నిత్యం స్టోర్‌ అయ్యే హిస్టరీని తుడిచేసే క్లీనర్‌. బ్రౌజింగ్‌ హిస్టరీ, కాల్‌ లాగ్‌, టెక్స్ట్‌ మెసేజ్‌లు, క్లిప్‌బోర్డ్‌ డేటా, జీమెయిల్‌ సెర్చ్‌ హిస్టరీ... ఇలా అన్నింటినీ తొలగించొచ్చు. http://goo.gl/K3TPy

ఇదో వారధి
ShowYou. ఐఫోన్‌లో వీడియోలు బ్రౌజ్‌ చేసి చూసేందుకు ఇదో ప్రత్యేక వారధి. యూట్యూబ్‌,Vimeo, TED... లాంటి ఇతర వీడియో షేరింగ్‌ సర్వీసుల్ని యాక్సెస్‌ చేయవచ్చు. http://goo.gl/tMu9F